Aquayoga er ei roleg og skånsam treningsform i varmt vatn, der pust, flyt og mjuke rørsler står i fokus. Hos Volda Symjeklubb tilbyr vi aquayoga i Volda for vaksne som ønskjer ei trygg, avslappande og samtidig styrkande økt i basseng.
Aquayoga i varmt vatn mjukar opp musklar og ledd, slik at øvingane blir både skånsame og effektive og byggjer styrke og fleksibilitet og har fokus på kjernemuskulaturen. Du lærer teknikkar for pust, avspenning og stressmeistring.
Aquayoga er ideelt for deg som ønskjer betre rørsle i skuldrer, rygg og hofter, byggje styrke, eller prøve ei annleis treningsform. Vassmiljøet reduserer belastningsskadar, gir auka leddvæskeproduksjon og mjukar opp kroppen.
Fordelane er mange: avspenning, auka balanse, betre konsentrasjon, styrke og betre søvn.
Aquayoga gir både fysisk og psykisk velvære, og høver for alle, uansett erfaring.
Om sjølve timen
- Når: Tysdagar kl. 16.00
- Varigheit: Timen varer i ca. 45 min. Etter timen kan du nytte badstu og kaldkulpen.
- Instruktørar: Ingvill Osvoll og Tone Solhaug
- Kvar: I varmtvassbassenget i Voldabadet.
Påmelding og venteliste
Fast pris på 570,- per mnd.
Talet på treningar per månad vil variere noko på grunn av skuleferiar og heilagdagar, men dette jamnar seg ut over året. Det blir ikkje fakturert i juli.
Startar du midt i ein månad, blir første betaling tilpassa etter kor mange treningar som er att. Deretter gjeld fast månadspris.
Betalingsførespurnad blir sendt via Spond. Har du ikkje appen, får du førespurnaden på e-post.
Månedsabonnement sikrar deg fast plass på timen.
Medlemskap i Volda Symjeklubb
Når du deltek på aktivitet i regi av Volda Symjeklubb, må du vere medlem i klubben.
Medlemskap for vaksne kostar 100,- per år.
Inngangsarmband til Voldabadet kostar 150,- og er ein eingongsutgift. Desse banda nyttar du også til skapa i garderobene.
Aquayoga tysdag kl. 16.00 er for tida full. Du kan likevel melde deg på i Spond og setje deg på venteliste. Vi tek kontakt dersom det blir ledig fast plass.
Passar eit anna tidspunkt betre?
Vi vurderer å starte fleire aquayoga-grupper. Dersom du er interessert i aquayoga på eit anna tidspunkt, kan du melde interessa di heilt uforpliktande.
Vi tek kontakt dersom det blir aktuelt å starte ei ny gruppe.
Vi nyttar appen Spond for organisering og betaling av drop-in.
Det er 11 plassar på aquayoga. Dersom nokon med fast plass ikkje kan møte på ein time, opnar vi opp den ledige plassen for drop-in.
Ledige drop-in-plassar blir lagt ut i Spond.
Påmeldingsfristen for drop-in er kl. 15.00 same dag.
Bli medlem i Spondgruppa vår om du ønskjer å få varsel når vi har arrangement med aquayoga og aquagym i bassenget.
Drop in kostar 220,-.
Du treng ikkje vere medlem for å delta på drop-in-time. Vi tilrår likevel medlemskap for deg som ønskjer å støtte klubben og vere ein del av fellesskapet rundt aquatreninga. Medlemskap kostar 100,- per år.
Inngangsband – drop-in
For drop-in treng du ikkje å kjøpe eige inngangsband.
Du kan låne inngangsband i resepsjonen (til venstre når du kjem inn i bygget). Bandet brukar du både til inngang og for å låse skap i garderoben. Hugs å levere det tilbake etter timen.
Resepsjonen på Voldabadet er ikkje alltid open, og dette ligg utanfor vår kontroll.
Dersom du vil vere sikker på å kome inn, tilrår vi å skaffe deg eige inngangsband.
Pris: 150 kr (eingongsbeløp)
Bandet gir deg tilgang i opningstidene for aquayoga
Kan kjøpast i resepsjonen til Voldabadet når den er open
Skreddarsydd trening for grupper
Vi tilbyr skreddarsydde gruppetreningar i aquayoga og aquagym for vennegjengar og bedrifter. Anten de ønskjer ein morosam aktivitet saman med venar eller ei ykt med lagbygging for kollegaer. Ta kontakt med oss, så finn vi ei tid og eit opplegg som passar perfekt for dykk.
Aquayoga blir halde i varmtvassbasseng i Voldabadet, og er eit treningstilbod for vaksne i Volda og omegn. Nye deltakarar har moglegheit for gratis prøvetime ved ledig kapasitet.
Meir informasjon til deltakarar på aquatrening kan du laste ned Her